Дабрачынная акцыя “Усмешка дзіцяці”

Беларускі прафсаюз працаўнікоў радыёэлектроннай прамысловасці сумесна з грамадзянскай каманіяй "Еўрапейская Беларусь" распачынаюць акцыю дапамогі дзеткам-сіротам пад назвай "Усмешка дзіцяці".

Набліжаюцца Каляды і Новы год, а разам з імі святочны настрой, прыемная ўсхваляванасць, чаканне цудаў і, вядома, падарункаў.

У гэтыя перадсвяточныя дні, калі кожная сям’я рыхтуецца да святаў, варта ўзгадаць пра тых дзетак, якім бацькоў, як могуць, замяняюць выхавальнікі дзіцячых дамоў.

Дзіцячы дом – гэта асаблівая сям’я, са сваімі радасцямі і нягодамі. Як і ўсе дзеткі, сябры гэтай вялікай сям’і чакаюць сюрпрызаў і падарункаў на Каляды і Новы год.

“Кіно, канешне, добра… вось толькі не ва ўсіх нашых дзетак ёсць абутак і вопратка, каб выходзіць на двор гэтым холадам”, – такі адказ атрымалі актывісты грамадзянскай кампаніі “Еўрапейская Беларусь” ад дырэктара аднаго з дзіцячых дамоў на прапанову арганізаваць для яго выхаванцаў навагодні паход у кіно.

Так, зіма ёсць зіма і самае галоўнае, што неабходна дзеткам у гэты час – цеплыня, у тым ліку чалавечая.
Таму Беларускі прафсаюз працаўнікоў радыёэлектроннай прамысловасці сумесна з грамадзянскай каманіяй “Еўрапейская Беларусь” распачынаюць акцыю дапамогі дзеткам-сіротам пад назвай “Усмешка дзіцяці” і заклікаюць усіх неабыякавых людзей зрабіць свой унёсак у добрую справу.

Абавязковымі атрыбутамі навагодніх святаў з’яўляюцца цукеркі і цацкі. Гэта тое, чым можна парадаваць дзетак.
Акрамя таго, мы ўзялі абавязак дапамагчы наступнымі рэчамі:

2 пісьмовых стала

3 журнальных століка

крэслы (стулья)

лекі “Пара Плюс” (педыкулёз) – 8 флаконаў

супрасцін (ад алергіі) – 5 упаковак

фенкарол

вітамін С (парашок)

абутак для дзяўчынак
38 памер – 3 пары
36, 37 пам. – 2 пары

абутак для хлопчыкаў
39 памер – 3 пары
28, 31 – 33 памер – усяго па 2 пары
35-37 – усяго па 3 пары

рэйтузы для дзяўчынак
122-140 пам. – 4
136-150 пам.

зімнія шапкі для хлопчыкаў
50, 52, 54 памеры

Дзеткі спадзяюцца і вераць, што некаторыя жаданні абавязкова здзейсняцца. Мы маем рэальны шанец паўдзельнічаць у гэтым, адкрыць сваё сэрца насустрач дзіцячым марам, бо шчаслівая ўсмешка дзіцяці – найвялікшая ўзнагарода!

Акцыя працягнецца да 22 снежня.

Кантакты:

+375 25 951 40 03 (Life), +375 17 292 66 35

E-mail: profrep@gmail.com

Адрас, куды можна прынесці рэчы: вул.Кульман, 4, г.Мінск