Саннікаў і Някляеў – лідэры збору подпісаў сярод апазіцыйных кандыдатаў

ЦВК абвясціў дадзеныя аб колькасці подпісаў за вылучэнне кандыдатаў у прэзідэнты Беларусі.

У падтрымку лідэра кампаніі «Еўрапейская Беларусь» Андрэя Саннікава – 150.168;

лідэра грамадзянскай кампаніі «Гавары праўду!» Уладзіміра Някляева – 161.824;

намесніка старшыні Аб’яднанай грамадзянскай партыі Яраслава Раманчука – 128.699;

намесніка старшыні Партыі БНФ Рыгора Кастусёва сабрана 107.083 подпісаў;

сустаршыні аргкамітэта па стварэнні партыі «Беларуская хрысціянская дэмакратыя» Віталя Рымашэўскага – 105.318;

лідэра аргкамітэта па стварэнні Беларускай сацыял-дэмакратычнай партыі (Народная Грамада) Мікалая Статкевіча – 117.989;

кіраўніка саюза «За мадэрнізацыю» Алеся Міхалевіча – 120.531;

Аляксандра Лукашэнкі – 1.113.014;

індывідуальнага прадпрымальніка з Віцебска Уладзіміра Правальскага – 109.338;

эканаміста Віктара Цярэшчанкі – 122.520;

дырэктара ТДА «Трывіюм» Дзмітрыя Вуса – 110.753.

«Я не ведаю, хто на самой справе сабраў сто тысячаў подпісаў. Я ведаю, хто мог іх сабраць. Гэта Някляеў, Раманчук і нашая група. А па астатніх у мяне ёсць пытанні. Перыяд збору подпісаў, калі пайшло некалькі групаў, быў вельмі ўдалым. Ён спрыяў мабілізацыі і актыўнасці людзей. Мы не павінны згубіць гэтую дынаміку. І калі казаць пра ўсе дэмакратычныя сілы разам узятыя, дык мы сабралі амаль у два разы больш, чым на мінулых выбарах. Так што трэба сур’ёзна ўзважыць усе моманты», – сказаў лідэр «Еўрапейскай Беларусі» Андрэй Саннікаў у інтэрв’ю «Радыё Свабода».