Барак Абама абраны прэзідэнтам ЗША
Сэнатар-дэмакрат Барак Абама абраны 44-м прэзыдэнтам Злучаных Штатаў Амэрыкі. Абама набраў 338 галасоў у калегіі выбаршчыкаў, якія прадстаўляюць усе штаты ЗША.
Для перамогі неабходна было заручыцца падтрымкай прынамсі 270 выбаршчыкаў.
Супернік Абамы, сэнатар-рэспубліканец Джон Макейн, прызнаў сваю паразу і павіншаваў Абаму зь перамогай.
Макейн: “Некалькі хвілін таму я меў гонар пазваніць сэнатару Бараку Абаму, каб павіншаваць яго з абраньнем на пасаду прэзыдэнта краіны, якую мы абодва любім”
Барак Абама выступіў перад сваімі прыхільнікамі ў Чыкага:
Абама: “Сёньня, дзякуючы таму, што мы зрабілі ў гэты дзень, на цяперашніх выбарах, у гэты рашаючы момант – перамены прыйшлі ў Амэрыку”.
Інаўгурацыя новага прэзыдэнта адбудзецца 20 студзеня 2009 году.