Наста Палажанка. Партрэт на фоне кратаў

Наста Палажанка – дзяўчына-абаронца. Пад такім нікам (abaronca) дзяўчыну ведаюць у сацыяльных сетках, так яно ёсьць і ў жыцьці.

Крохкая дзяўчына – моцная апора для маладафронтаўцаў (ды і не толькі): заўжды маючы безьліч сваіх праблемаў, Наста знаходзіць час кожнага падтрымаць, парадаваць, натхніць. А каму пашчасьціць – і накарміць салянкаю ці якою іншаю смакатою, бо Наста – выдатная гаспадыня. Гэта адная з тых нефармальных яскравых рысаў дзяўчыны, якія вядомыя толькі сябрам Насты.